मेरे हृदय नाहिं आवत हो -सूरदास

सूरसागर

प्रथम स्कन्ध

राग नट मेरे हृदय नाहिं आवत हो, हे गुपाल, हौं इतनी जानत ! कपटी, कृपन, कुचील, कुदरसन्, दिन उठि बिषय-वासना बानत। कदली कंटक, साधु असाधुहिं, केहरि कैं सँग धेनु बँधाने। यह विपरीति जानि तुम जन की, अंतर दै बिच रहे लुकाने। जो राजा-सुत होइ भिखारी, लाज परे ते जाइ बिकाने। सूरदास प्रभु अपने जन कौ कृपा करहु जौ लेहु निदाने।।।217।। इस पद के अनुवाद के लिए यहाँ क्लिक करें