कहौ पितु मोसौं सोइ सतिभाव -सूरदास

सूरसागर

प्रथम स्कन्ध

Prev.png
राग धनाश्री
अर्जुन और भीष्‍म का संवाद



‘कहौ पितु मोसौं सोइ सतिभाव।
जातैं दुरजोधन-दल जीतौं, किहि विधि करौं उपाव।‘
’जब लगि जिय घट-अंतर मेरै, को सरबरि करि पावै ?
चिरंजीव तौलौं दुरजोधन, जियत न पकरयौ आवै।
कौरव छाँड़ि भूमि पर कैसै दूजौ भूप कहावै ?
तौ हम कछु न बसाइ पार्थ, जौ श्रीपति तोहि जितावै’।।
‘अब मैं सरन तुम्‍हैं तकि आयौ हमैं मंत्र कछु दीजै।
नाटरु कुटुँब सैन संहरि सब, कौन काज कौं जीजैं’।
’द्रुपद-कुपार होइ रथ आगे, धनुष गहौ तुम बान।
ध्‍वजा बैठि हनुमत लग गाजै, प्रभु हाँकै रथ-यान।
केतिक जीव कृपिन सम बपुरौ, तजै कालहू प्रान।
सूर एकहीं बान बिदारै, श्री गोपाल की आन’।।275।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः