भक्त काज हरि जित कित सारे -सूरदास

सूरसागर

दशम स्कन्ध

Prev.png
राग बिलावल
पांडव सभा, दुर्योधन का क्रोध



भक्त काज हरि जित कित सारे।
जज्ञ राजसू माहि आपु हरि, सब के पाउँ पखारे।।
अष्ट नायिका द्रुपदसुता की, करै तहाँ सेवकाई।
दुर्योधन यह रीति देखि कै, मन मैं रह्यौ खिस्याई।।
भक्त संग हरि लागे डोलत, भक्त बछल प्रभु भोरे।
सब बिधि काज करत भक्तनि के, गनत नहीं हम को रे।।
जीतै जीतत भक्त आपनै, हारै हार बिचारत।
'सूरदास' प्रभु रीति सदा यह, प्रन जुग जुग प्रतिपारत।। 4220।।

Next.png

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः