जसुमति मन अभिलाष करै -सूरदास

सूरसागर

दशम स्कन्ध

Prev.png
राग बिलावल
तृणावर्त-बध


 
जसुमति मन अभिलाष करै।
कब मेरौ लाल घुटुरुवनि रेंगै, कब धरनी पग द्वैक धरै।
कब द्वै दाँत दूध के देखौं, कब तोतरैं मुख बचन झरै।
कब नंदहिं बाबा कहि बोलै, कब जननी कहि मोहिं ररै।
कब मेरौ अंचरा गहि मोहन, जोइ-सोइ कहि मोसौं झगरै।
कब धौं तनक-तक कछु खैहै, अपने कर सौं मुखहिं भरै।
कब हँसि बात कहैगौ मोसौं, जा छबि तैं दुख दूरि हरै।
स्याम अकेले आँगन छाँडे़, आप गई कछु काज घरै।
इहिं अंतर अँधवाइ उठयौ इक, गरजत गगन सहित घहरै।
सूरदास ब्रज-लोग सुनत धुनि, जो जहँ-तहँ सब अतिहि डरै।।76।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः