सूर नीच सौं ऊँच सी होइ -सूरदास

सूरसागर

सप्तम स्कन्ध

Prev.png
राग- बिलावल
नारद-उत्पत्ति-कथा



हरि हरि, हरि हरि, सुमिरन करौ। हरि-चरनारबिंद उर धरौ।
हरि भजि जैसे नारदु भयौ। नारद व्यासदेव सौं कह्मो।
कहौ सौ कथा सुनौ चित धार। नीच-ऊँच हरि कै इकसार।
गंध्रब ब्रह्मा -सथा मँझारि। हँस्‍यों अप्सरा और निहारि।
कह्मौ ब्रह्मा, दासी -सुत होहि। सकुच न करी देखि तै मोहिं।
भयौ दासी-सुत ब्राह्मन- गेह। तुरत छाँडि़कै गंध्रव-देह।
ब्रह्मन गूह हरि के जन छाए। दासी-दास सेव-हित लाए।
हरि-जन हरि-चरचा जो करै। दासी -सुत सो हिदै घरै।
सुनत-सुनत उपज्यौ बैराग। कह्मौ, जाउँ क्यौ माता त्याग।
ताकी माता खाई कारै। सो मरि गइ साँप के मारै।
दासी-सुत बन-भीतर जाइ। करो भक्ति हरि-पद चित लाई।
ब्रह्म-पुत्र तन सजि सो भयौ। नारद यौ अपनैं मुख कह्मो।
हरि की भक्ति करै जो कोई। सूर नीच सौ ऊँच से होइ।।8।।
  

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः