कान्ह कुँवर कौ कनछेदन है -सूरदास

सूरसागर

दशम स्कन्ध

Prev.png
राग धनाश्री
कनछेदन



कान्ह कुँवर कौ कनछेदन है, हाथ सोहारी भेली गुर की।
बिधि बिहँसत, हरि हँसत हेरि हरि, जसुमति की धुकधुकी सु उर की।
रोचन भरि लै देत सींक सौं, स्रवन-निकट अतिही चातुर की।
कंचन के द्वैदुर मँगाइ लिए, कहौं कहा छेदनि आतुर की।
लोचन भरि-भरि दोऊ माता, कनछेदन देखत जिय मुरकी।
रोवत देखि जननि अकुलानी, दियौ तुरत नौआ कौं घुरकी।
हँसत नंद, गोपी सब बिहँसी, झमकि चलीं सब भीतर ढुरकी।
सूरदास नंद करत बधाई, अति आनंद बाल ब्रज-पुर की।।180।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः