कौरवपति ज्‍यौं बन कौं गयौ -सूरदास

सूरसागर

प्रथम स्कन्ध

Prev.png
राग बिलावल
राजा धृतराष्‍ट्र का वैराग्‍य तथा वनगमन




कौरवपति ज्‍यौं बन कौं गयौ। धर्मपुत्र बिरक्‍त पुनि भयौ।
बरनि सुनावौं ता अनुसार। सूत कह्यौ जैसे परकार।
भारतादि कुरूपति की जथा। चली पांडवणि की जब कथा।
बिदूर कह्यौ मति करौ अन्‍याइ। देहु पांडवनि राज बटाइ।
कुरुपति कह्यौ, धान मम खाइ। पांडु सुतनि की करत सहाइ।
याकौं ह्याँ तै देहु निकारि। बहुरि न आवै मेरे द्वारि।
बिदुर सस्त्र सब तबहिं उतारि। चल्‍यौ तीरथनि मुंड उघारि।
भारत के बीतैं पुनि आयौ। लोगनि सब वृत्तांत सुनायौ।
तब पूछयौ, कुरुपति है कहाँ। कह्यौ, पांडु-सुत-मंदिर जहाँ।
राजा सेव भलो बिधि करै। दंपति-आयसु सब अनुसरै।
बिदुर कह्यौ देखौ हरि-माया। जिन यह सकल लोक भरमाया।।284।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः