मनहिं मन अक्रूर सोच भारी -सूरदास

सूरसागर

दशम स्कन्ध

Prev.png
राग गुंड मलार



मनहिं मन अक्रूर सोच भारी।
जननि कौ दुखित करि इनहिं मैं लै चल्यौ, भई व्याकुल सबै घोष नारी।।
अतिहिं ये बाल है भोजी नवनीत के जानि लीन्हे जात दनुज पासा।
कुवलया, मल्ल मुष्टिकऽरु चानूर से, कियौ मैं कर्म यह अति उदासा।।
फेरि लै जाउँ ब्रज स्याम बलराम कौ, कस लै मोहि तब जीव मारै।।
'सूर' पूरन ब्रह्म निगम नाही गम्य, तिनहिं अक्रूर मन यह बिचारै।।3012।।

Next.png

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः