बिप्र भवन रथ चढ्यौ -सूरदास

सूरसागर

दशम स्कन्ध

राग जैतश्री रुक्मिणीविवाह की दूसरी लीला बिप्र भवन रथ चढ्यौ, चलत तब बार न लाई । छप्पन कोटिन मध्य, राजही जादवराई ।। छाँड़ि सकुच पाती दई, तब पूछी कुसलात । जानि चीन्ह पहिचानि मन, फूले अग न मात ।। आपुन झारी माँगि बिप्र के चरन पखारे । इती दूरि स्रम कियौ भए द्विजराज दुखारे ।। पाती बाँचि न आवई, माँग्यौ तुरत विमान । लोचन भरि भरि आवही, मानहु कर जलपान ।। लीन्हौ बिप्र चढाइ बोलि बल सौ कहि सारा । सकल सभा जिय जानि कसे साजे हथियारा ।।