हरि सौं मीत न देख्‍यौ कोई -सूरदास

सूरसागर

प्रथम स्कन्ध

राग धनाश्री              हरि सौं मीत न देख्‍यौ कोई। बिपति-काल सुमिरत, तिहिं औसर आनि तिरीछौ होई। ग्राह गहे गजपति मुकरायौ, हाथ चक्र लै धायौ। तजि बैकुण्‍ठ, गरुड़ तजि, श्री तजि, निकट दास कै आयौ। दुर्बासा कौ साप निवारयो, अंवरीष-पति राखी। ब्रह्मलोक-परजंत फिरयौ तहँ देव-मुनी-जन साखी। लाखागृह तै जरत पांडु-सुत बुधि-बल नाथ, उबारे। सूरदास-प्रभु अपने जन के नाना त्रास निबारे।।10।।