राधेहिं मिलेहुँ प्रतीति न आवति -सूरदास

सूरसागर

दशम स्कन्ध

राग केदारौ राधेहिं मिलेहुँ प्रतीति न आवति। जदपि नाथ-बिधु-बदन बिलोकत, दरसन कौ सुख पावति। भरि भरि लोचन रूप-परम-निधि, उरमै आनि दुरावति। भरि भरि लोचन रूप-परम-निधि, उरमै आनि दुरावति। चितवत चकित रहनि चित अतर, नैन निमेष न लावति। सपनौ आहि कि सत्य ईस यह, बुद्धि वितर्क वनावति। कबहुँक करति विचार कौन हौ, को हरि कै हिय भावति। 'सूर' प्रेम की बात अटपटी, मन तंरग उपजावति।।2123।।