मानौ माई घन घन अंतर दामिनि -सूरदास

सूरसागर

दशम स्कन्ध

राग मलार मानौ माई घन घन अंतर दामिनि। घन दामिनि दामिनी घन अंतर, सोभित हरि-ब्रज भामिनि।। जमुन पुलिन मल्लिका मनोहर, सरद-सुहाई-जामिनि। सुन्दर ससि गुन रुप-राग-निधि, अंग-अंग अभिरामिनि।। रच्यौ रास मिली रसिक राइ सौं, मुदित भईं गुन ग्रामिनि। रुप-निधान स्याीम सुंदर घन, आनंद मन बिस्रामिनि।। खंजन-मीन-मयूर-हंस-पिक, भाइ-भेद गज-गामिनि। को गति गनै सूर मोहन सँग, काम विमोह्यौ कामिनि।।1048।।