देखौ माई रुप सरोवर साज्यौ -सूरदास

सूरसागर

दशम स्कन्ध

राग मलार देखौ माई रुप सरोवर साज्यौ।। ब्रज-बनिता-बर-बारि बृंद मैं, श्री ब्रजराज बिराज्यौ।। लोचन जलज, मधुप अलकावलि, कुंडल मीन सलोल। कुच चकवाक बिलोकि बदन-विधु, बिछुरि रहे अनबोल।। मुक्ता-माल बाल-वग-पंगति, करत कुलाहल कूल। सारस हंस मोर सुक-स्रोनी, बैजयंति सम-तूल।। पुरइनि कपिस निचोल, विबिध अँग, बहुरति रुचि उपजावैं। सूर स्याम आनंद कंद की, सोभा कहत न आवै।।1049।।