माघौ जू, गज ग्राह ते छुड़ायौ -सूरदास

सूरसागर

अष्टम स्कन्ध

राग- बिलावल माघौ जू, गज ग्राह ते छुड़ायौ। निगमनि हूँ मन-बचन अगोचर , प्रगट सो रूप दिखायौ। सिव-विरंचि देखत सब ठाडे़, बहुत दीन दुख पायौ । बिन बदलें उपकार करै को, काहूँ करत न आयौ। चिंतत ही चित मैं चिंतामनि, चक्र लिए कर धायौ। अति करुना-कातर करुनामय, गरुड़हु कौं छुटकायौ। सुनियत सुजम जो जिन जन कारन कबहुँ गहरु लगायौ । ना जानौं सूरहिं इहिं औसर, कौन दोष बिसरायौ ।।3।।