माई री मुरली अति गर्व काहुँ -सूरदास

सूरसागर

दशम स्कन्ध

राग कान्हरौ (माई री) मुरली अति गर्ब काहुँ, बदति नाहिं आजु। हरि कैं मुख-कमल-देस, पायौ सुख-राजु। बैठित कर पीठि ढीठि, अधर-छत्र-छाँहि। राजति अति चँवर चिकुर, सुरद-सभा माँहि। जमुना के जलहिं नाहिं, जलधि जान देति। सुरपुर तैं सुर-बिमान, यह बुलाइ लेति। स्थावर चर, जंगम जड़ करति जीति-जीति। बिधि की बिधि मेटि, करति अपनी नई रीति। बंसी बस सक्ल सूर, सुर-नर-मुनि-नाग। श्रीपति हूँ श्री बिसारी, याही अनुराग।।653।।