भजन बिनु जीवत जैसैं प्रेत -सूरदास

सूरसागर

द्वितीय स्कन्ध

राग सारंग भजन बिनु जीवत जैसैं प्रेत। मलिन मंदमति डोलत घर-घर, उदर भर कैं हेत। मुख कटु बचन, नित्त पर-निंदा, संगति-सुजस न लेत। कबहूँ पाप करै पावत धन, गाड़ि धूरि तिहिं देत। गुरु-ब्राह्मन अरु संत-सुजन के, जात न कबहुँ निकेत। सेवा नहि भगवंत-चरन को, भवन नील कौ खेत। कथा नहीं गुन गोत सुजस हरि, सब काहुँ दुख देत। ताकी कहा कहौं सुनि सूरज, बूड़त कुटुंब समेत।।15।।