जसुदा नार न छेदन दैहौं -सूरदास

सूरसागर

दशम स्कन्ध

राग नायकी जसुदा, नार न छेदन दैहौं। मनिमय जटित हार ग्रीवा कौ, वहै आजु हौं लैहौं। औरनि के हैं गोप-खरिक बहु, मोहिं गृह एक तुम्हारौ। मिटि जु गयौ संताप जनम कौ, देख्यौ नंद-दुलारौ। बहुत दिननि की आसा लागी, झगरिनि झगरौ कीनौ। मन मैं विहँसि तबै नँदरानी, हार हिये कौ दीनौ। जाकैं नार आदि ब्रह्मादिक, सकल-विस्व-आधार। सूरदास प्रभु गोकुल प्रगटे, मेटन कौं भू-भार॥15॥