जदपि मैं बहुतै जतन करे -सूरदास

सूरसागर

दशम स्कन्ध

राग नट जदपि मैं बहुतै जतन करे। तदपि मधुप हरिप्रिया जानि कै, काहुँ न प्रान हरे।। सौरभजुत सुमननि लै निज कर, सतत सेज धरे। सनमुख सहति सरद ससि सजनी, ताहु न अंग जरे।। मधुकर, मोर, कोकिला, चातक, सुनि सुनि स्रवन भरे। सादर ह्वै निरखतिं रतिपति दृग, नैकु न पलक परे।। निसि दिन रटति नदनंदन कौ, उर तै छिन न टरै। अति आतुर गुन सहित चूमू सजि, अगनि सर सँचरे।। जानत नहीं कौन गुन इहि तन, जातै सब बिडरे। 'सूरदास' सकुचनि श्रीपति की, सुभटनि बल बिसरे।।3767।।