कौन परी मेरे लालहिं बानि -सूरदास

सूरसागर

दशम स्कन्ध

राग बिलावल कौन परी मेरे लालहिं बानि। प्रात समय जागन की बिरियाँ सोवत है पीतांबर तानि।। संग सखा ब्रज-बाल खरे सब, मधुबन धेनु-चरावन-जान। मातु जसोदा कब की ठाढ़ी, दधि-ओदन भोजन लिये पान।। तुम मोहन जीवन-धर मेरे, मुरली नैंकु सुनावहु कान। यह सुनि स्रवन उठे नंदनंदन, बंसी निज मांग्यौ मृदु बानि।। जननि कहति लेहु मनमोहन, दधि ओदन घृत आन्यौ सानि। सूर सुबलि-बलि जाउँ बेनु की जिहिं लगि लाल जगे हित मानि।।1211।।