सुनि राजा दुर्जोधन -सूरदास

सूरसागर

प्रथम स्कन्ध

राग बिलावल ”सुनि राजा दुर्जोधन, हम तुम पैं आए। ”पांडव-सुत जीवत मिले, दै कुसल पठाए। ”छेम-कुसल अरु दीनता, दंडवत सुनाई। ”कर जोरे बिनती करी, दुरबल-सुखदाई। ”पाँच गाउँ पाँचौ जननि, किरपा करि दीजे। ”ये तुम्‍हरे कुल-बंस हैं हमरी सुनि लीजै।“ ”उनकी मोसौं दीनता, कोउ कहि न सुनावौ। ”पांडव-सुत अरु द्रौपदी कौं मारि गड़ावौ। ”राजनीति जानौ नहीं, गो-सुत चरवारे। ”पीवौ छाँछ अघाइ कै, कब के रयवारे।“ ”गाइ-गाउँ के वत्‍सला मेरे आदि सहाई। ”इनकी लज्‍जा नहिं हमैं, तुम राज बड़ाई।“ भीषम-द्रोन-करन सुनै, कोउ मुखहु न बोलैं। ये पांडव क्‍यों गाड़िऐ, धरनी-धर डोल। हम कछु लेन न देन मैं, ये वीर तिहारे। सूरदास प्रभु उठि चले, कौरव-सुत हारे।।238।।