ठाड़ी कुँवरि राधिका लोचन मीचत -सूरदास

सूरसागर

दशम स्कन्ध

राग टोड़ी ठाड़ी कुँवरि राधिका लोचन मीचत तहँ हरि आए। अति बिसाल चंचल अनियारे हरि-हाथनि न सभाए।। सुभग आँगुरिनि मध्य विराजत अति आतुर दरसाए। मानौ मनिधर मनि ज्यौं छाँड्यौ फन तर रहत दुराए।। गोसुत भयौ जु गाधि गह्यौ वर रच्यौ जु रबि सँग साए। अपने काम न मिलत हरी जो बिरहा लेत छड़ाए।। अंबुज चारि कुमुद द्वै मिलि कै औ ससि-बैर गँवाए। सूरदास अति हरि परसतहीं सकल बिथा विसराए।।675।।