हरिमुख निरखति नागरि नारि -सूरदास

सूरसागर

दशम स्कन्ध

राग धनाश्री हरिमुख निरखति नागरि नारि। कमल नैन के कमलबदन पर, वारिज वारिज वारि।। सुमति सुंदरी सरस-पिया-रस-लपट माँडी आरि। हरि जुहारि जू करत बसीठी, प्रथमहिं प्रथम चिन्हारि।। राखति ओट कोटि जतननि करि, झाँपति अंचल झारि। खंजन मनहुँ उड़न कौं आतुर, सकत न पंख पसारि।। देखि सरूप स्याम सुंदर कौं, रही न पलक सम्हारि। देखहु सूरज अधिक ‘सूर’ तन, अजहुँ न मानी हारि।।1816।।