स्याम सुखरासि, रसरासि भारी -सूरदास

सूरसागर

दशम स्कन्ध

राग गुंड मलार स्याम सुखरासि, रसरासि भारी। रूप की रासि, गुनरासि, जोवनरासि, थकित भईं निरखि नव तरुन नारी।। सील की रासि, जसरासि, आनंदरासि, नील-नव-जलद-छबि बरनकारी। दया की रासि, विद्यारासि, बलरासि, निर्दयाराति दनु-कुल-प्रहारी।। चतुरईरासि, छलरासि, कलरासि, हरि भजै जिहि हेत तिहिं देन हारी। ‘सूर’ प्रभु स्याम सुखधाम पूरन काम, बसन-कटि-पीत मुख मुरलीधारी।।1803।।