सोभा कहत कही नहिं आवै -सूरदास

सूरसागर

दशम स्कन्ध

राग केदारौ सोभा कहत कही नहिं आवै। अँचवत अति आतुर लोचनपुट, मन न तृप्ति कौं पावै। सजल मेध घनस्‍याम सुभग बपु, तड़ित बसन बनमाल। सिखि सिखंड, बन-धातु बिराजत, सुमन सुगंध प्रवाल। कछुक कुटिल कमनीय सघन अति, गो-रज, मंडित केस। कुंडल-किरनि कपोल लोल छबि, नैन कमल-दल-मीन। प्रति-प्रति अंग अनंग-कोटि-छबि, सुनि सखि परम प्रबीन। सूरदास जहँ दृष्टि परति है, होति तहीं लवलीन।।478।।