सूरसागर प्रथम स्कन्ध पृ. 95

सूरसागर प्रथम स्कन्ध-95 विनय राग 189.राग कान्‍हरौ ऐसी कब करिहौ गोपाल। मनसा-नाथ, मनोरथ-दाता, हौ प्रभु दीनदयाल। चरनननि चित्त निरंतर अनुरत, रसना चरित-रसाल। लोचन सजल, प्रेम-पुलकित तन, गर अंचल, कर माल। लहिं विधि लखत, झुकाइ रहै जम अपनैं हौं भय भाल। सूर सुजस-रागी न डरत मन, सुनि जातना कराल। 190.राग धनाश्री ऐसे प्रभु अनाथ के स्‍वामी। दीनदयाल, पेम-परिपूरन, सब-घट-अंतरजामी। करत बिबस्‍त्र द्रुपद-तनया कौं, सरन सब्‍द कहि आयौ। पूजि अनंत कोटि बसननि हरि, अरि कौ गर्व गँवायौ। सुत-हित विप्र, कीर-हित गनिका, नाम लेत प्रभु पायौ। छिनक भजन, संगति-प्रताप तै, गज अरू ग्राह छुड़ायौ। नर-तन, सिंह-बदन, बपु कीन्‍हौ, जन लगि भेष बनायौ। जिन जन दुखी जानि भय तै अति, रिपु हति, सुख उपजायौ। तुम्‍हरी कृपा गुपाल गुसाई, किहिं, किहिं स्त्रम न गंवायौ। सूरजदास अंब, अपराधी, सो काहैं बिसरायौ।