सुनौ अनुज, इहिं बन इतननि मिलि -सूरदास

सूरसागर

नवम स्कन्ध

राग केदारौ   सुनौ अनुज, इहिं बन इतननि मिलि जानकी प्रिया हरी। कछु इक अंगनि की सहिदानी, मेरी दृष्टि परी। कटि केहरि कोकिल कल बानी, ससि मुख-प्रभा घरी। मृग मूसी नैनन की सौभा, जाति न गुप्त करी। चंपक-वरन, चरन-कर कमलनि, दाड़िम दसन लरी। गति मराल अरु विंब अघर-छबि, अहि अनूप कवरी। अति करुना रघुनाथ गुसाई, जुग ज्यौं जाति घरी। सूरदास प्रभु प्रिया-प्रेम-बस, निज महिमा बिसरी॥63॥