साँची प्रीति जाति हरि आए -सूरदास

सूरसागर

दशम स्कन्ध

राग बिलावल साँची प्रीति जाति हरि आए। पूरन नेह प्रगट दरसाए। लई उठाइ अंक भरि प्यारी। भ्रमि-भ्रमि स्रम कीन्हौ तनुगारी।। मुख-मुख जोरि अलिंगन दीन्हौ। बार-बार भुज भरि उर लीन्हौ। बृंदाबन-घन-कुंज लता-तर। स्यामा-स्याम नवल-नवला बर।। मनमोहन-मोहिनि सुखकारी। कोक-कला-गुन प्रगटे भारी। छूटे–बंद अलक सिर छूटे। मोतिन-हार टुटे, सुख लूटे।। सूर स्याम बिपरीत बढ़ाई। नागरि सकुचि रही लपटाई।।1678।।