सहज रूप की रासि राधिका -सूरदास

सूरसागर

दशम स्कन्ध

राग धनाश्री सहज रूप की रासि राधिका भूषन अधिक बिराजै। मुख सौरभ समिलित सुधानिधि, कनकलता पर छाजै।। बदनबिंदु धारि मिलि सोभित, धम्मिल नीर अगाध। मनहुँ बाल-रवि-रस्मिनि-संकित, तिमिर कूट ह्वै आध।। मानिक मध्य, पास चहुँ मोती पगति, झलक सिंदूर। रेग्यौ जनु तमतट तारागन, ऊगत घेरयौ सूर।। की मनमथ-रथ-चक्र, कि तरिवन, रवा रचित सहसाज। स्रवनकूप की रहँटघंटिका, राजत सुभग समाज।। नासा-नथ-मुक्ता, बिंबाधर प्रतिबिंबित असमूच। बाँध्यौ कनकपास सुक सुंदर, करकबीज गहि चूँच।। कहँ लगि कहौ भूषननि भूषित, अंग अंग के रूप। 'सूर' सकल सोभा श्रीपति कै, राजिव नैन अनूप।।2445।।