सबै ब्रज है जमुना कैं तीर -सूरदास

सूरसागर

दशम स्कन्ध

राग कान्हरौ सबै ब्रज है जमुना कैं तीर। कालिनाग के फन पर निरतत, संकर्षन कौ बीर। लाग मान थेइ-थेइ करि उघटत, ताल मृदंग गँभीर। प्रेम मगन गावत ग्रंध्रव गन ब्यौम विमाननि भौर। उरग-नारि आगैं भई ठाढ़ी, नैननि ढारतिं नीर। हम कौं दान देइ, पति छाँड़हु, सुंदर स्याम सरीर। आए निकसि पहिरि मनि- भूषन, पीत-बसन कटि चोर। सूर स्याम कौं भुज भरि भेंटत, अंकम देत अहीर।।575।।