मेरो कहा करत ह्वैहै -सूरदास

सूरसागर

दशम स्कन्ध

राग रामकली मेरो कहा करत ह्वैहै। कहियौ जाइ बेगि पठवहिं गृह, गाइनि को को द्वैहै।। दीजै छाँड़ि नगर वारी सब, प्रथम ओर प्रतिपारौ । हमहूँ जिय समुझै नहिं कोऊ, तुम तै हितू हमारौ ।। आजुहि आजु, कालि काल्हिहिं करि, भलौ जगत जस लीन्हौ । आजुहिं कालि कियौ चाहत हौ, राज अटल करि दीन्हौ ।। परदा ‘सूर’ बहुत दिन चलतौ, दूहुनि फबती लूटि । अंतहु कान्ह आइहै गोकुल, जन्म जन्म की ऊटि ।। 3174 ।।