मुरली मोहि लिये गोपाल -सूरदास

सूरसागर

दशम स्कन्ध

राग जैताश्री मुरली मोहि लिये गोपाल। बस करि आपु अधर-रस अँचवति, करि पाए हरि ख्‍याल।। सर्बस अधर-सुधा-रस सबकौ, कोउ देखन नहिं पावति। आपुहिं पियति अघाति न तौहुँ, पुनि-पुनि लोभ बढ़ावति।। दुहुँ कर बैठि गर्व सौं गरजति, बादति सुनति न बात। जो कुल-दही डरै सो कौनैं, अतिहिं निर्दयी गात।। बारे तैं तप कियौ जौन हित, सो गँवाइ पछितानी। सूरदास बन-ब्याधि माँझ-घर, देखि-देखि अकुलानी।।1326।।