बिहरत हैं जमुना जल स्याम -सूरदास

सूरसागर

दशम स्कन्ध

राग कान्हुरौ बिहरत हैं जमुना-जल स्याम। राजत हैं दोउ बाहाँ-जोरी, दंपति अरु ब्रज-बाम।। कोउ ठाढ़ीं जल जानु जंघ लौ, कोउ कटि हिरदय ग्रीव। यह सुख बरनि सकै ऐसौ को, सुंदरता की सीव।। स्याम अंग चंदन की आभा, नागरि केसरि अंग। मलयज-पंक कुंकुमा मिलिकै, जल-जमुना इक रंग।। निसि-स्रम-मिटयौ, मिटयौ तन-आलस परसि जमुन भईँ पावन। सूर स्याम जल-मध्य जुवति-गन, जन-जन के मन-भावन।।1162।।