नंद जू दु:ख गयौ सुख आयौ सबनि कौ -सूरदास

सूरसागर

दशम स्कन्ध

राग धनाश्री (नंद जू) दु:ख गयौ, सुख आयौ सबनि कौ, देव-पितर भल मान्यौ। तुम्हारौ पुत्र प्रान सबहिनि कौ, भुषन चचुर्दस जान्यौ। हौं तौ तुम्हारे घर कौ ढाढ़ी, नाउं सुने सचु पाऊँ। गिरि-गोबर्धन बास हमारौ, घर तजि अनत न जाऊँ। ढाढ़िनि मेरी नाचै-गावै, हौ हूँ ढाढ़ बजाऊँ। हमारौ चीत्यौ भयौ तुम्हारैं, जो माँगौं सो पाऊँ। अब तुम मोकौं करौ अजाची, जो कहुँ कर न पसारौं। द्वादैं रहौं, देहु इक मंदिर, स्याम-सुरूप निहारौं। हंसि ढाढ़िनि ढाढ़ी सौं बोली, अब तू बरनि बधाई। ऐसो दियौ न देहि सूर कोउ, जसुमति हौं पहिराई।।37।।