तब रिस करिकै मोहिं बुलायौ -सूरदास

सूरसागर

दशम स्कन्ध

राग बिलावल तब रिस करिकै मोहिं बुलायौ। लोचन-दूत तुमहिं इहि मारग, देखत जाइ सुनायौ।। सैसव-महलनि तैं सुनि बानी, जोबन-महलनि आयौ। अपनैं कर बीरा मोहिं दीन्‍हौ, तुरत दान पहिरायौ।। बैठौ है सिंहासन चढ़ि कै, चतुराई उपजायौ। मन-तरंग आज्ञाकारी भृत, तिनकौं तुमहिं लगायौ।। तिनकौ नाम अनंत नृपति बर, सुनहु बत सुख पायौ। सूर स्‍याम मुख बात सुनत यह, जुवतिनि तन बिसरायौ।।1588।।