यह सुनि नंद बहुत सुख पाए -सूरदास

सूरसागर

दशम स्कन्ध

राग धनाश्री यह सुनि नंद बहुत सुख पाए। कमल पठाइ दए, नृप लीन्हे, देखन कौं दोउ सुतनि बुलाए। सेवा बहुत मानि है लोनही, ब्रज-नारो-नर हरष बढ़ाए। बड़ी बात भइ कमल पठाए मानहुँ आपुन जल तैं ल्याए। आनँद करत जमुन-तट ब्रज-जन, खेलत-खातहिं दिवस बिहाए। इक सुख स्याम बचे काली तैं, इक सुख कंसहिं कमल पठाए। हँसत स्याम-बलराम सुनत यह हमकौं देखन नृपति बुलाए। सूरदास प्रभु मातु-पिता-हित, कमल कोटि है ब्रजहिं पठाए।।588।।