बिनु परबहि उपराग आजु हरि -सूरदास

सूरसागर

दशम स्कन्ध

Prev.png
राग सारंग


बिनु परबहि उपराग आजु हरि, तुम है चलन कह्यौ।
को जानै उहिं राहु रमापति कत ह्वै सोध लह्यौ।।
वह तकि बीच नीच नयननि मिलि, अंजन रूप रह्यौ।
विरहसंधि बल पाइ मनौ हठि, है तिय बदन गह्यौ।।
दुसह दसन मनु धरत स्रमित अति, परस न परत सह्यौ।
देखौ देव अमृत अंतर तै, ऊपर जात बह्यौ।।
अब यह ससि ऐसौ लागत, ज्यौ बिनु माखनहिं मह्यौ।
'सूर' सकल रसनिधि दरसन बिनु, मुख छबि अधिक दह्यौ।।2986।।

Next.png

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः