हरि परीच्छितहि गर्भ मँझार -सूरदास

सूरसागर

प्रथम स्कन्ध

Prev.png
राग बिलावल
गर्भ में परीक्षित की रक्षा तथा उनका जन्‍म




हरि हरि, हरि हरि, सुमिरन करौ। हरि-चरनारविंद उर धरौ।
हरि परीच्छितहि गर्भ मंझार। राखि लियौ निज कृपा अधार।
कहौं सो कथा, सुनौ चित लाइ। जो हरि भजै रहै सुख पाइ।
भारत जुद्ध बितत जब भयौ। दुरजोधन अकेल रहि गयौ।
अस्‍वत्‍थामा तापैं जाइ। ऐसी भाँति कह्यौ समुझाइ।
हमसौं तुमसौं बाल-मिताई। हमसौं कछु न भई मित्राई।
अब जो आज्ञा मोकौं होइ। छाँड़ि बिलंब करौं मैं सोइ।
राज गए का दुख नहिं कोइ। पांडव राज नहीं जो होइ।
उनके मुऐं हिऐं सुख होइ। जौ करि सकौ, करौ अब सोइ।
हरि सर्वज्ञ बात यह जानि। पांडु सुतनि सौं कहीं बखानि।
आज सरस्‍वति तट रहौ सोइ। पै यह बात न जानै कोइ।
पांडव हरि की आज्ञा पाइ। तजि गृह, रहे सरस्‍वति जाइ।
काहू सौं यह कहि न सुनाई। उहाँ जाइ सब रैनि बिताई।
अस्‍वत्‍थामा निसि तहँ आए। द्रौपदि सुत तहँ सोवत पाए।
उनके सिर लै गयौ उतारि। कहौ, पांडवनि आयौ मारि।
बिन देखैं ताकौं सुख भयौ। देखे तैं दूनौ दुख ठयौ।
ये बालक तैं बृथा संहारे। कहि, कुरुपति तजि प्रान सिधारे।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः