ग्वालिनि तुम कत उरहन देहु -सूरदास

सूरसागर

दशम स्कन्ध

Prev.png
राग मलार
मुरली-वचन गोपियों के प्रति


ग्वालिनि तुम कत उरहन देहु?
पूछहु जाइ स्याम सुंदर कौं, जिहिं दूख जुरयौ सनेहु।।
जन्मत ही तैं भई बिरत चित, तज्यौ गाउँ, गुन गेहु।
एकहि पाउँ रही हौं ठाढ़ी, हिम-ग्रीषम-ॠतु मेहु।।
तज्यौ मूल साखा-सुपत्र सब, सोच सुखानी देहु।
अगिनी सुलाकत मुरयौ न तन-मन, बिकट बनावत बेहु।।
बकतीं कहा बांसुरी कहि-कहि, करि-करि तामस तेहु।
सूर स्याम इहिं भाँति रिझै, किनि, तुमहुँ अधर रस लेहु।।1330।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः