संखचूड़ तिहिं अवसर आयौ -सूरदास

सूरसागर

दशम स्कन्ध

Prev.png
राग बिलावल
शंखचूड़-वध


संखचूड़ तिहिं अवसर आयौ।
गोपी हुतीं प्रेम-रस-माती, तिन कछु सोध न पायौ।।
चल्यौ पराइ सकल गोपी लै, दूरि गऐं सुधि आई।
को यह लिये जात कहँ हमकौं, कृष्न कृष्न गुहराई।।
गोपी-टेर सुनत हरि पहुँचे, दानव देखि डरायौ।
मुष्टिक मारि गिराइ दियौ तिहिं, गोपिनि हरष बढा़यौ।।
मनि अमोल ताकैं सिर पाई, दई हलधरहिं आई।
सूर चले बन तैं गृह कौं प्रभु, बिहंसत मिलि समुदाई।।1208।।

Next.png

टीका टिप्पणी और संदर्भ

संबंधित लेख

वर्णमाला क्रमानुसार लेख खोज

                                 अं                                                                                                       क्ष    त्र    ज्ञ             श्र    अः