यह जुवतिनि कौ धरम न होइ -सूरदास

सूरसागर

दशम स्कन्ध

राग सूहो बिलावल यह जुवतिनि कौ धरम न होइ। विक् सो नारि पुरुष जो त्यागे, धिक् सो पति जो त्यागै जोइ।। पति कौ धर्म यहै प्रतिपालै, जुवती सेवा ही कौ धर्म। जुवती सेवा तऊ न त्यागै, जौ पति करै कोटि अपकर्म।। बन मैं रैनि-बास नहिं कीजै, देख्यौ वन बृंदाबन आइ। बिबिध सुमन, सीतल जमुना-जल, त्रिबिध-समीर-परस सुखदाइ। घरही मैं तुम धर्म सदाई, सुत-पति होत तुम जाहु। सूर स्याम यह कहि परमोधत, सेवा करहु जाइ घर नाहु।।1015।।