इत-उत देखि द्रौपदी टेरी -सूरदास

सूरसागर

प्रथम स्कन्ध

राग मारू इत-उत देखि द्रौपदी टेरी ऐंचत बसन, हँसत कौरव-सुत, त्रिभुवन-नाथ, सरन हौं तेरी। सरबस दै अंबर तन बाँच्‍यौ, सोउ अब हरत, जाति पति मेरी। क्रोधित देखि हंसै कौरव-कुल, मानौ मृगी सिंह बन घेरी। गहि दुस्‍सासन’ केस सभा मँह, बरबस लै आयौं ज्‍यौं चेरी। पांडव सब पुरुषारथ छाँड़यौ, बाँधे कपट-वचन को बेरी। हा जदुनाथ द्वारिका-बासी, जुग-जुग भक्‍त-आपदा फेरी। बसन-प्रवाह बड़यौ सुनि सूरज, आरत वचन कहे जब टेरी।।251।।