जब गहि राजसभा मैं आनी -सूरदास

सूरसागर

प्रथम स्कन्ध

राग कल्‍यान जब गहि राजसभा मैं आनी। द्रुपदसुता पटहीन करन कौं दुस्‍सासन अभिमानी। परै बज्र या नृपति-सभा पै, कहति प्रजा अकुलानी। बैठे हँसत करन, दुर्जोधन, रोवति द्रौपदि रानी ! जित देख्‍ति तित कोऊ नाहीं, टेरि कहति मृदु बानी। हा जदुनाथ, कमल-दल-लोचन, करुनामय, सुखदानी। गरुड़ चले देखे नँदनंदन ध्‍यान-चरन-लपटानी। सूरदास प्रभु कठिन विपति सौं राखि लियौ जग जानी।।250।।