अवप्लुते ततो रामे कृष्ण्: कृष्णाम्बुदोपम:।
गोमन्तशिखराच्छ्री मानाप्लुतोऽमितविक्रम:।।81।।
ततस्तं पीडयामास पद्भ्यां गिरिवरं हरि:।
स पीडितो गिरिस्तेन निर्ममज्ज समन्तत:।।82।।
जलाकुलोपलस्तत्र प्रस्त्रुतो द्विरदो यथा।
स तेन वारिणा वह्निस्तत्क्षणात्प्रशमं ययौ।।83।।
कल्पान्ते वारिधाराभिर्मेघजालैरिवांशुमान्।
सिंहारसितनिर्घोष: पीतवासा घनाकृति:।।84।।
किरीटमूर्द्धा सौम्यास्य: पुण्डरीकनिभेक्षण:।
श्रीवत्सवक्षा: सुमुख: सहस्राक्षसमद्युति:।।85।।
रामादनन्तरं कृष्ण: प्लुतो वै वीर्यवांस्तत:।
ताभ्यामेव प्लुषभ्यां च चरणै: पीडितो गिरि:।।86।।
मुमोच सलिलोत्पीेडांस्तीाव्रपावकशान्तये।
सलिलोत्पीडनं दृष्ट्वां पार्थिवा भयमाविशन्।।87।।
इति श्रीमहाभारते खिलभागे हरिवंशे विष्णुापर्वणि गोमन्तदाहे द्विचत्वारिंशोऽध्याय:।