वैशम्पायन उवाच
यवनानां बलोदग्र: स कालयवनो नृप:।
बभूव राजा धर्मेण रक्षिता पुरवासिनाम्।।1।।
त्रिवर्गविदित: प्राज्ञ: षड्गुणानुपजीवक:।
सप्तवव्यसनसम्मूढो गुणेष्वभिरत: सदा।।2।।
श्रुतिमान् धर्मशीलश्च सत्यवादी जितेन्द्रिय:।
सांग्रामिकविधिज्ञश्च दुर्गलाभानुसारण:।।3।।
शूरोऽप्रतिबलश्चैव मन्त्रिप्रवरसेवक:।
सुखासीन: सभां रम्यां सचिवै: परिवारित:।।4।।
उपास्यमानो यवनैरात्मविद्भिर्विपश्चितै:।
विविधाश्च कथा दिव्याय: कथ्यमाना: परस्परम।।5।।