हंसकारण्डवोद्घुष्टां सारसैश्च निनादिताम्।
अन्योन्यमिथुनैश्चैव सेवितां मिथुनेचरै:।।31।।
जलजै: प्राणिभि: कीर्णां जलजैर्भूषितां गुणै:।
जलजै: कुसुमैश्चित्रां जलजैर्हरितोदकाम्।।32।।
प्रसृतस्त्रोतचरणां पुलिनश्रोणिमण्डलाम्।
आवर्तनाभिगम्भीरां पद्मरोमानुरंञ्जिताम्।।33।।
तटच्छेदोदरां कान्तां त्रितरंगवलीधराम्।
फेनप्रहृष्टवदनां प्रसन्नां हंसहासिनीम्।।34।।
रुचिरोत्पलरक्तोष्ठीं नतभ्रूं जलजेक्षणाम्।
ह्रददीर्घललाटान्तां कान्तां शैवलमूर्द्धजाम्।।35।।