अदर्शनेन मरणं तस्या नास्यत्र संशय:।
यदि नारीसहस्रं ते हृदिस्थं: यदुनन्दन।।41।।
स्त्रिया: कामयमानाया: कर्तव्या हस्तधारणा।
त्वं च तस्या वरोत्सर्गे दत्तो देव्या मनोरथ:।।42।।
चित्रपट्टं मया दत्तं त्वच्चिह्नं दृश्य जीवति।
सानुक्रोशो यदुश्रेष्ठ भव तस्या मनोरथे।।43।।
उषा ते पतते मूर्ध्ना वयं च यदुनन्दन।
श्रूयतां चोद्भवस्तस्या: कुलशीलं च यादृशम्।।44।।
संस्थानं प्रकृतिं चास्या: पितरं च ब्रवीमि ते।
वैरोचनिसुतो वीरो बाणो नाम महासुर:।।45।।
स राजा शोणितपुरे तस्य त्वामिच्छते सुता।
