हरि हौं महापतित अभिमानी -सूरदास

सूरसागर

प्रथम स्कन्ध

राम धनाश्री हरि हौं महापतित, अभिमानी। परमारथ सौं विरत, विषय-रत भाव-भगति नहि नैंकहु जानी। निसि-दिन दुखित मनोरथ करि करि, पावतहूँ तृप्‍ना न बुझानी। सिर पर मीच, नीच नहिं चितवत, आयु घटत ज्‍यौं अंजुलि-वानी। बिमुखनि सौ रति जोरत दिन-प्रति, साधुनि सौ न कवहुँ पहिचानी। तिहि बिन रहत नहीं निसि-बासर जिहि सब दिन रस-विषय बखानी। माया-मोह-लोभ के लीन्‍है, जानी न वृंदावन रजधानी। नवल किशोर, जलद-तनु सुंदर, विसरयो सुर सकल दुख-दानी।।।149।।