मो सम कौन कुटिल खल कामी -सूरदास

सूरसागर

प्रथम स्कन्ध

राग जंगला-तिताला मो सम कौन कुटिल खल कामी। तुम सौं कहा छिपी करुणामय, सबके अंतरजामी। जो तन दियौ ताहि विसरायौ, ऐसौ नोन-हरामी। भरि भरि द्रोह विषै कौं धावत, जैसे सूकर ग्रामी। सुनि सतसंग होत जिय आलस, विषियिनि सँग विसरामी। श्रीहरि-चरन छाँड़ि बिमुखनि की निसि-दिन करत गुलामी। पापी परम, अधम, अपराधी, सब पतितनि मैं नामी। सूरदास प्रभु अधम उधारन सुनियै श्रीपति स्‍वामी।।।148।।