सूरसागर षष्ठ स्कन्ध पृ. 244

सूरसागर षष्ठ स्कन्ध-244 विनय राग 416.राग बिलावल - श्रीगुरु-महिमा नृप्कौ सुनि उपज्यौ बैराग। वन कौ गयौ राज सब त्याग। बन मै जाइ तपस्या करी।मरि गंधवँ-देह तिन धरी। इक दिन सो कैलास सिघयौ। सिव कौ दरसन तहँ तिहिं पायौ। उमा नगन देखी तिहि राइ।उन दियौ साप ताहि या भाइ। तू अब असुर-देह धरि जाइ।मेरो कह्मों न मिथ्या आइ। उमा साप ताकौंजब दयौ।वृत्रासुर सो या विधि भयौ। हरि की भक्ति वृथा नहिं जाइ।जन्म जन्म सो प्रकटे आइ। तातै हरि -गुरु-सेवा कीजै। मेरौ वचन मानि यह लीजै। ज्यौ सुक नमप सौं कहि समुझायौ। सूरदास त्यौं ही कहि गायौ।।5।। 417.राग सारंग        गरू बिन ऐसी कौन करै! माला-तिलक मनोहर बाना, लै सिर छत्र घरै। भवसागर तै बूड़ राखे, दीपक हाथ धरे। सूर स्याम गुरु ऐसो समरथ, छिन मैं लै उधफै।।6।।