सूरसागर प्रथम स्कन्ध पृ. 99

सूरसागर प्रथम स्कन्ध-99 विनय राग 197.राग आसावरौ हुरि जू, मोसौ पतित न आन। मन-क्रम-वचन पाप जे कीन्‍हे, तिनकौ नाहि प्रमान। चित्रगुप्‍त जम-द्वार लिखत हैं, मेरे पातक झारि। तिनहूँ त्राहि करी सुनि आँगुन, कामद दीन्‍हे डारि। श्रौ नि कौं जम कै अनुसासन, किंकर कोटिक घावैं । सुनि मेरो अपराध-अधमई, कोऊ निकट न आवैं । हौं ऐसो, तुम वैसे पावन, गावत हैं जे तारे । अवगाहौं पूरन गुन स्‍वामी, सूर से अधम उधारे। 198.राग धनाश्री मोसौ पतित न और हरे । जानत हौ प्रभु अंतरजामी, जे मैं कर्म करे । ऐसौ अंध, अधम अविवेकी, खोटनि करत खरे । विपयी भजे, विरक्‍त न सेए, मन धन-धाम धरे । ज्‍यौं माखी्, मृगमद-मंडित-तन परिहरि, पूय परै । त्‍यौं मन मूढ़ विषय-गुंजा गहि, चिंतामनि बिसरै । सूर पतित, तुम पतित-उधारन, बिरद कि लाज धरे।